Úr Føroyum til Karibia og heim

Tað er ein gamal dreymur at fara ein langan siglitúr, so nú møguleikin kom at fáa orlov frá arbeiðinum í eitt ár, skal hetta roynast.

​

Endamálið er at sigla sigla, uppliva og vera saman. Hvagar leiðin gongur er minni avgerandi og er ætlanin ikki at leggja nógv fyri, men heldur fokusera upp á, at tað skal gerast ein góð uppliving hjá øllum umborð.

​

Ætlanin er at sigla suður í heitari lond og um væl liggur fyri heilt suður í Karibia. So kunnu vit síggja so hvørt hvat vit hava hug til og broyta ætlan um neyðugt.

​

Ætlanin við hesari heimasíðu er at leggja myndir út á blogginum og greiða eitt sindur frá teimum støðunum, vit koma til, so familja, vinir, kenningar og onnur kunnu fylgja við hvussu gongst.

​

Eisini ber til at síggja, hvar vit eru stødd við at trýsta á knøttin niðanfyri.

Vit síggjast!